Marrëveshja ndërmjet Republikës së Shqipërisë dhe Republikës së Kroacisë për Mbrojtjen Shoqërore, është ratifikuar me ligjin 11/2024 “Për ratifikimin e Marrëveshjes ndërmjet Republikës së Shqipërisë dhe Republikës së Kroacisë për Mbrojtjen Shoqërore”.
Kjo Marrëveshje është në fuqi dhe zbatohet nga data 01.05.2024.
Fushat e mbuluara
Marrëveshja për Mbrojtjen Shoqërore ndërmjet Republikës së Shqipërisë dhe Republikës së Kroacisë zbatohet për:
- pensionet e pleqërisë, invaliditetit dhe familjare;
- përfitimet në para për sëmundje dhe barrëlindje;
- përfitimet për dëmtime të shkaktuara në punë dhe sëmundje profesionale;
- përfitimet në lidhje me papunësinë;
- sigurimin e detyrueshëm të kujdesit shëndetësor, sipas fushës së zbatimit të përcaktuar në Marrëveshje.
Dokumente
- LIGJ NR. 11/2024 “PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË DHE REPUBLIKËS SË KROACISË PËR MBROJTJEN SHOQËRORE”.
- MARRËVESHJE ADMINISTRATIVE PËR ZBATIMIN E MARRËVESHJES NDËRMJET REPUBLIKËS SË SHQIPËRISË DHE REPUBLIKËS SË KROACISË PËR MBROJTJEN SHOQËRORE.
Institucionet kompetente
Zbatimi i Marrëveshjes kryhet nga institucionet kompetente dhe organet ndërlidhëse të Shqipërisë dhe Kroacisë, sipas fushës përkatëse.
Në Republikën e Shqipërisë:
- Instituti i Sigurimeve Shoqërore (ISSH);
- Fondi i Sigurimit të Detyrueshëm të Kujdesit Shëndetësor (FSDKSH).
Në Republikën e Kroacisë:
- Instituti Kroat i Sigurimit Pensional (Croatian Pension Insurance Institute);
- Fondi Kroat i Sigurimit Shëndetësor (Croatian Health Insurance Fund);
- Shërbimi Kroat i Punësimit (Croatian Employment Service).
Marrëveshja parashikon përdorimin e formularëve të përbashkët për trajtimin e kërkesave për përfitime, verifikimin e periudhave të sigurimit dhe shkëmbimin e informacionit ndërmjet institucioneve kompetente të Shqipërisë dhe Kroacisë
Formularët e kërkesës për përfitim pensioni në kuadër të Marrëveshjes
Për paraqitjen e kërkesës për pension në kuadër të Marrëveshjes përdoret formularët e mëposhtëm:
- AL – HR 202 – Formulari i kërkesës për pension pleqërie ose invaliditeti – ZAHTJEV ZA STAROSNU INVALIDSKU MIROVINU – Shkarko në PDF.
- AL – HR 203 – Formulari i kërkesës për pension familjar – ZAHTJEV ZA OBITELJSKU MIROVINU – Shkarko në PDF
- AL – HR – Historik mbi periudhat e punësimit – UPITNIK O POVJESTI OSIGURANJA – Shkarko në PDF
Si funksionon procedura ?
- Kur personi banon në Shqipëri dhe kërkon një përfitim pensioni nga Kroacia, kërkesa paraqitet pranë institucionit kompetent në Shqipëri, duke plotësuar formularin përkatës AL/HR 202 për pension pleqërie ose invaliditeti, ose AL/HR 203 për pension familjar, së bashku me dokumentacionin përkatës.
- Deklarata mbi periudhat e punësimit AL/HR 204 shoqëron formularin e kërkesës, sipas rastit.
- Kur personi banon në Kroaci dhe kërkon një përfitim nga Shqipëria, kërkesa paraqitet pranë institucionit kompetent kroat. Formularët përkatës HR/AL plotësohen dhe përcillen nga institucioni kompetent kroat tek ISSH.
- Institucionet kompetente të Shqipërisë dhe Kroacisë shkëmbejnë informacionin e nevojshëm për verifikimin e periudhave të sigurimit nëpërmjet formularëve AL/HR 205 dhe HR/AL 205.
- Njoftimi për procedurën dhe përfundimin e dhënies së përfitimit bëhet nëpërmjet formularëve AL/HR 206 dhe HR/AL 206.
- Në rastet e pensioneve të invaliditetit, informacioni mjekësor shkëmbehet nëpërmjet formularëve AL/HR 207 dhe HR/AL 207.
- Periudhat e sigurimit të kryera në Shqipëri dhe Kroaci mund të merren në konsideratë së bashku, kur kjo është e nevojshme për plotësimin e kushteve të përfitimit, në përputhje me dispozitat e Marrëveshjes.
- Secili shtet përcakton dhe paguan pjesën e përfitimit që i takon sipas periudhave të sigurimit të njohura, në përputhje me legjislacionin e vet dhe dispozitat e Marrëveshjes.